গৰমজানত প্ৰজেক্ট নাইটিংগেল

                 - হিৰন্ময়ী দাস গগৈ

হেল' বৌ,আপোনাক ঘৰৰ পৰা পিক-আপ কৰিম নে আপুনি আমাৰ ঘৰলৈ আহিব? ম'বাইলত পল্লৱীৰ মিঠা মাতটো ভাঁহি আহিল ।মই অলপ চিন্তাত পৰিলো,ইমান গাল বস্তুলৈ পল্লৱীৰ ঘৰলৈ কেনেকৈ যাওঁ !তাইক কলো, "মোৰ বহুত বেগ আছে অ' ,সেয়ে ঘৰৰ পৰাই লৈ যাবাহি ।থিক আছে বৌ, মই দহ মিনিটৰ ভিতৰত আপোনাৰ ঘৰ পামগৈ,আপুনি ৰেডি থাকক ।ইয়াকে কৈ পল্লৱীয়ে ম'বাইলৰ কানেকচন কাটি দিলে ।আজি এসপ্তাহ আগত লেডিজক্লাবৰ  মিটিংত কথা হৈছিল যে "গৰমজানত" প্ৰজেক্ট নাইটিংগেলৰ কেম্প এটা জ্যোতিবৌয়ে থিক কৰিছে ।সেয়ে কনভেনৰ পল্লৱীৰ লগত অইলৰ "পেৰা মেডিকেল টিম" এটা আৰু কোন কোন যাবলৈ ইচ্ছা কৰে তাকেলৈ আলোচনা হৈছিল ।ৰুমঝুম,যুতিকা,বন্দনা আৰু মই পল্লৱীৰ লগত যাম বুলি থিক কৰিলো ।পিচত অইল মেডিকেলৰ দুগৰাকী ডাক্টৰ মধুস্মিতা আৰু টামাৰীনাও আমাৰ লগত যাব বুলি হস্পিতলৰ পৰা জনালে ।গ্ৰোপটো বেচ ডাঙৰেই হ'ল ।আলোচনা আৰম্ভ হ'ল ;গৰমজান গাওঁখনত কেতিয়াও এনে কেম্প হোৱা নাই আৰু মানুহবোৰ অতি দুখীয়া হোৱাৰ লগতে বানপিড়িত ।সকলোকে যিমান পাৰি কাপোৰ-কানি আৰু খোৱা সামগ্ৰী সংগ্ৰহ কৰি লগত লৈ যাবলৈ কোৱা হ'ল ।কথামতেই কাম আগবাঢ়িল ।লেডিজ ক্লাবৰ ফালৰ পৰা অলপ খোৱা সামগ্ৰী আগবঢ়ালে,যিয়ে যিমান পাৰে বস্তু-বাহনী সংগ্ৰহ কৰি যথা সময়ত যাবলৈ ওলালো ।পল্লৱীয়ে কোৱা মতে দহমিনিটৰ পিচতে জ্যোতিবৌৰ সতে ৰঙাৰঙৰ টাটাচ'ম' এখনত আহি আমাৰ পদুলি পালেহি ।মইও লৰালৰিকৈ সৃষ্টিৰ লগত লগহৈ মোৰ সংগ্ৰ্হীত বস্তুবোৰ গাড়ীত ভৰাই চাৰে আঠ বজাত  যাত্ৰা আৰম্ভ কৰিলো ।আমাৰ next stoppage আছিল অইল হস্পিটল ,তাতে সকলো লগহোৱাৰ কথা ।সময়মতে সকলো সাজোহ'ল; এখন এম্বুলেঞ্চ, য'ত অইলৰ পেৰামেডিকেল টিমটো আগে-আগে, এখন টাটাচ'ম'ত মই,জ্যোতিবৌ,ডাক্টৰ দুগৰাকী আৰু আন এখন টাটাচ'ম'ত পল্লৱী,বন্দনা,ৰুমঝুম আৰু যুতিকা ।প্ৰায় চাৰে ন বজাত আমি ৰঙাগড়া বাগিছা পাৰহৈ গুইজান ঘাট পালোগৈ ।সিপাৰলৈ গাড়ী নেযায়,গাড়ীৰ পৰা নামি আমি কহুঁৱা নামৰ ফেৰীখনত উঠিলো ।জ্যোতিবৌৰ সহায়ক কেইজনমান আমাৰ বাবে অপেক্ষা কৰি আছিল ।তেওঁলোকে ধৰিমেলি বস্তুবোৰ ফেৰীত উঠালে । ব্ৰহ্মপুত্ৰ এইখিনিত এটি সৰু সূঁতিৰ ৰূপত আছে,তথাপিও এই নব্যৰূপৰ যাত্ৰা লাভকৰি সকলোৰে মন আনন্দৰে ভৰিপৰিল ।প্ৰায় আধাঘন্টা ফেৰী যাত্ৰাৰ পিচত আমি নদী পাৰ হলো ।তাত আমাৰবাবে চৰকাৰী আশাকৰ্মী গৰাকীৰ লগতে গৰমজান গাওঁৰ অনেক লোক অপেক্ষা কৰি আছিল ।ফেৰীৰ পৰা গাওঁ পাবলৈ আমি পানীত নামিবলগা হ'ল ।কান্ধত বেগ,ডিঙিত ওলমি আছে কেমেৰা,এখন হাতত চেন্দেল আৰু আনখন হাতে মেখেলা-চাদৰ কোচাই খোজ লওতেচ্চআমাৰ চসকলোৰে অবস্থা চাবলগীয়া হৈছিল ।তাতে জ্যোতিবৌ আৰু ৰুমঝুমে ৰসাচল কথাৰে সকলোকে হাঁহিৰ খোৰাক যোগাই থাকিল ।

গাওঁৰ মানুহবোৰ আহি যিয়ে যেনেকৈ পাৰে চাইকেলত,কান্ধত,মূৰৰওপৰত বস্তুবোৰ উঠাই ললে ।প্ৰায় এককিলোমিটাৰ গৰম বালিত জপিয়াই-জপিয়াই খোজকাঢ়ি আমি গাওঁ পালোগৈ ।গাওঁৰ ঘৰবোৰৰ জৰাজীৰ্ণ অবস্থা দেখি বৰ বেজাৰ লাগিল ।ইয়াত নাই মানে একোনাই ।পানীযোগান,হস্পিটল,কাৰেন্ট,স্কুল আলি-পদুলি আদিকৰি একোৱেই নাই ।ব্ৰহ্মপুত্ৰৰ এটি সূতিয়ে আধুনিক সমাজৰ পৰা গৰমজান গাওঁ খনক বিচিন্ন কৰি ৰাখিছে ।ডিব্ৰু-চৈখোৱা বৰ্ষা অৰণ্যৰ দাতিতে এই গাওঁখন অবস্থিত ।আমি উপস্থিত হোৱাৰ পিচত ,আহত গছএজোপাৰ তলতে তাৰ্পলীন এখন বান্ধি তাৰ তলত টেবুল,বেঞ্চ আৰু কেইখনমান প্লাচটিকৰ চকী পাৰি ডাক্টৰ আৰু বাকীসকলক বহিবৰ বাবে গাওঁৰ ৰাইজে যোগান ধৰিলে ।

পল্লৱীয়ে ফেষ্টুন খন আৰিবলৈ বিছাৰিছিল,স্থানীয় লোক কেইজনমানে দুডাল ৰচি জোগাৰ কৰি প্ৰজেক্ট নাইটিংগেলৰ ফেষ্টুন আঁৰি দিলে ।পিচে নদীকাখৰীয়া গাওঁৰ বতাহে সেইখন বৰকৈ নচোৱাবলৈ ধৰাত এজনে বুদ্ধি কৰি তলত ৰচিৰে দুটা বাঁহৰমূঢ়া ওলোমাই দিলে ।ফেষ্টুনৰ ৰূপ দেখি টামাৰীনাই হাঁহি সামৰিব নোৱাৰি কলে ,"বাইদেউ ফটো উঠাওক"।সকলোৰে ম'বাইল আৰু কেমেৰা সেইফাললৈ পোনালে ।

লাহে-লাহে স্থানীয় ৰাইজৰ লগতে কণ-কণ ল'ৰা-ছোৱালী বোৰ গোট

খালে ।কেইটামানৰ পেন্টৰ হোক নাই পেন্ট বোৰ হাতেৰে ধৰি আছে,কিছুমানৰ চাৰ্টৰ বুটাম নাই,বহুআশাৰে লাইনত থিয় দিছে ।খোৱা বস্তু পাব,ডাক্টৰক বেমাৰ দেখাব ।পিন্ধা কাপোৰ মলিয়ন হলেও চকুবোৰ উজ্জল ।পেচেন্ট চাবৰ বাবে মধুস্মিতা,টামাৰীনা আৰু বন্দনা সাজোহ'ল ।পল্লৱীয়ে নাম্বাৰ ৰেজিষ্টাৰ কৰি গ'ল,মই আৰু যুতিকাই খোৱাবস্তু বিলালো,ৰূমঝুম আৰু জ্যোতিবৌৱে স্থানীয় লোকসকলৰ লগত কথাবাৰ্তা আৰম্ভ কৰিলে কাৰণ জ্যোতিবৌৱে ডি চিক ৰিপৰ্ট দিব লাগিবগৈ ।সকলোবোৰ সুকলমে পাৰ হৈছিল,খেলি-মেলি লাগিল কাপোৰ বিলাওতে ।কাপোৰ বিলাই থাকোতে গাঁওৰ মানুহবোৰ আহি হেচামাৰি ধৰিলে,ভিৰত আমাৰ উশাহ বন্ধ হোৱাৰ উপক্ৰম হ'ল।কোনোমতে যুজ-বাগৰ কৰি একমান বজাত কেম্প সামৰা হ'ল ।গাঁওৰ এঘৰত আমাৰ ববে ভাতৰ যোগাৰ কৰিছে বাবে কেম্প এৰি তেওঁলোকৰ লগত খোজ দিলো ।ইয়াত আলি-পদুলি বুলিবলৈ একোনাই ।ঘাঁহনি,পথাৰ আদিৰ ওপৰেদি মানুহৰ খোজে বনমাৰি কৰা লুংলুঙীয়া বাটেদি আগবাঢ়ি আমি এটা চাংঘৰ পালোগৈ ।তাতে লগপালো পূৰ্বাচলত প্ৰকাশপোৱা "লুইতৰ বুকুত শিহুৰ সন্ধানত"ধাৰাবাহিকখনৰ হিৰ' সঞ্জয়ক ।ইয়াকে কয় বোকাত পদুম ফুলা ।সঞ্জয়ৰ লগত বিখ্যাত "ৰিভাৰ ডলফিন"শিহুৰ বিষয়ে অনেক আলোচনা হ'ল ।তেওঁ কেইখনমান ৰিভাৰ ডলফিনৰ পুৰষ্কাৰ বিজয়ী ফ'ট' দেখালে ।ডিব্ৰু-চৈখোৱাৰ বহু অনাবিস্কৃত তথ্য সঞ্জয়ে আমাৰ আগত দাঙিধৰিলে ।সঞ্জয়ৰ ঘৰত দুপৰীয়াৰ আহাৰ খায় তিনিবজাত আমি ঘৰমূৱা হলো ।ওভতনি ফেৰীত উঠি পিচলৈ চাই দেখিলো অলেখ আশাভৰা চকু ।আমাৰো মনত সপোন জাগিল যে জ্যোতিবৌৱে চৰকাৰৰ কিছু আচনিৰ লাভাংশ গৰমজান গাওঁলৈ কঢ়িয়াই আনিব ।ইয়াত এদিন স্কুল হ'ব,বাট-পথ বোৰ গাড়ী চলিব পৰা হব, ঘৰে-ঘৰে লাইট জলিব আৰু স্থানীয় লোকসকলে আধুনিক সমাজৰ লগত সমানে খোজ মিলাব ।